Jameela Khuda Bakhsh

tumhaare did ki hasrat bahut mushkil se niklegi

Jameela Khuda Bakhsh

Kolkata, West Bengal, India

1861-1921

tumhāre diid hasrat bahut mushkil se niklegī

duā ban kar shab-e-ġham vo hamāre dil se niklegī

ḳhabar kyā thī ki terī kaj-adā.ī se but-e-rā.anā

bisān-e-sham.a ro kar aarzū mahfil se niklegī

tamannā rafta rafta rañg kuchh dikhlā.egī apnā

banegī nūr-e-jāñ aur dīda-e-kāmil se niklegī

bisān-e-nik.hat-e-gul chhup nahīñ saktī chhupāne se

ye bū-e-ḳhūn-e-āshiq dāman-e-qātil se niklegī

nihāñ kyā ḳhaak hogī hasrat-e-dīdār āshiq

vo ik din yaas ban kar dīda-e-bismil se niklegī

dikhā.egī mohabbat ek din un ko asar apnā

samā.ī dil meñ jo un ke vo mere dil se niklegī

tasavvur jānib-e-dil chāhiye majnūñ tujhe karnā

jis lailā āshiq hai vo is mahmil se niklegī

Thahar naqa-e-dilbar ki maiñ chūmūñ qadam tere

sadā ye musht-e-ḳhāk-e-āshiq-e-be-dil se niklegī

zabāñ se nāla-o-fariyād karnā hai abas terā

'jamīla' vo duā kaam aa.egī jo dil se niklegī

Top Urdushayar.com