mohabbatoñ meñ koī tumhārā ye haal kar de to kyā karoge
bulā ke ghar meñ vo nine-one-one ko kaal kar de to kyā karoge
green card us se le rahe ho magar natīja bhī yaad rakhnā
yahāñ kī kaalī tumhāre chehre ko laal kar de to kyā karoge
ye maiñ ne maanā tumhāre hāthoñ meñ sañg-e-marmar kī uñgliyāñ haiñ
koī hasīna jo kāñch kā dil uchhāl kar de to kyā karoge
jo tum paḌosan ko apnī biivī se chhup ke perfume de rahe ho
vo jūtiyoñ se ye peshkash lā-zavāl kar de to kyā karoge
zarīna jab se baḌī huī hai tum us kī zar-qurbatī na pūchho
uchhāl kar dene vaale sake nikāl kar de to kyā karoge
qalam se kātib ye likh rahā hai dalīl-e-sub.h-e-bahār ho tum
dalīl kī daal ko badal kar vo zaal kar de to kyā karoge
mushā.eron maiñ ulaT-palaT ke vo chaar ġhazleñ sunāne vaalo
agar koī pāñchvīñ ġhazal kā savāl kar de to kyā karoge