mohabbatoñ meñ udaas ho kar rahā na jaa.e

udaas mausam kā tazkira bhī kiyā na jaa.e

milo to aise ki aa.ina aa.ine se jaise

diloñ meñ ranjish yā buġhz rakh kar milā na jaa.e

maiñ chāhtī huuñ baġhair mere na rah sake tū

maiñ chāhtī baġhair tere rahā na jaa.e

ḳhayāl rakhiye safar meñ apne bhī ham-safar kā

qadam se aage qadam baḌhā kar chalā na jaa.e

jo lafz mujh meñ taḌap rahe haiñ ve kyā kareñge

kisī bure ko agar burā bhī kahā na jaa.e