sang-e-be-qīmat tarāshā aur jauhar kar diyā
sham-e-ilm-o-āgahī se dil munavvar kar dayā
fikr-o-fan tahzīb-o-hikmat dī shu.ūr-o-āgahī
gum-shudān-e-rāh ko goyā ki rahbar kar dayā
chashm-e-faiz aur dast vo pāras-sifat jab chhū ga.e
mujh ko miTTī se uThāyā aur falak par kar diyā
de jazā allāh tū is bāġhbān-e-ilm ko
jis ne ġhunchoñ ko khilāyā aur gul-e-tar kar diyā
ḳhāka-e-tasvīr thā maiñ ḳhālī-az-rañg-e-hayāt
yuuñ sajāyā aap ne mujh ko ki 'qaisar' kar diyā