milā hai taḳht kise kaun taḳht par na rahā
ye baat aur hai jaarī thā jo safar na rahā
shab-e-siyāh meñ bhī jo thā raushnī kā safīr
kinār-e-bām se vo jhāñktā qamar na rahā
lagī thiiñ jis pe nigāheñ na jaane kis kis kī
marīz par vahī tāvīz kār-gar na rahā
yaqīñ thā jo bhī vo ab gard-e-ishtibāh meñ hai
ye kyā huā ki koī shaḳhs mo'tabar na rahā
baḌe-baḌoñ pe bhī 'mājid' ba-nām-e-arz-e-vatan
jo e'timād thā al-qissa muḳhtasar na rahā