kuchh bhī kar guzarne meñ der kitnī lagtī hai
barf ke pighalne meñ der kitnī lagtī hai
us ne hañs ke dekhā to muskurā diye ham bhī
zaat se nikalne meñ der kitnī lagtī hai
hijr kī tamāzat se vasl ke alaav tak
laḌkiyoñ ke jalne meñ der kitnī lagtī hai
baat jaisī be-ma.anī baat aur kyā hogī
baat ke mukarne meñ der kitnī lagtī hai
zo.am kitnā karte ho ik charāġh par apne
aur havā ke chalne meñ der kitnī lagtī hai
jab yaqīñ kī bāñhoñ par shak ke paañv paḌ jaa.eñ
chūḌiyāñ bikharne meñ der kitnī lagnī hai