band hotī kitāboñ meñ uḌtī huī titliyāñ Daal diiñ
kis kī rasmoñ kī jaltī huī aag meñ laḌkiyāñ Daal diiñ
ḳhauf kaisā hai ye naam is kā kahīñ zer-e-lab bhī nahīñ
jis ne hāthoñ meñ mere hare kāñch kī chūḌiyāñ Daal diiñ
hoñT pyāse rahe hausle thak ga.e umr sahrā huī
ham ne paanī ke dhoke meñ phir ret par kashtiyāñ Daal diiñ
mausam-e-hijr kī kaisī saa.at hai ye dil bhī hairān hai
mere kānoñ meñ kis ne tirī yaad kī bāliyāñ Daal diiñ