terī yādoñ ke ke hasīñ pal ke sivā kuchh bhī nahīñ
mere kashkol meñ is kal ke sivā kuchh bhī nahīñ
maiñ hī pāgal thā vafā DhūñD rahā thā in meñ
terī āñkhoñ meñ to kājal ke sivā kuchh bhī nahīñ
kitne hī ḳhvāb-e-masarrat kā nagar thiiñ pahle
ab to āñkheñ mirī bādal ke sivā kuchh bhī nahīñ
ban ke suqrāt jiyo tajraba apnā hai yahī
zindagī zahr-e-halāhal ke sivā kuchh bhī nahīñ
baḌhtī jaatī haiñ mirī vahshateñ har din 'merāj'
aisā lagtā hai maiñ pāgal ke sivā kuchh bhī nahīñ