chaah kar ham us parī-rū ko jo dīvāne hue
dost dushman ho ga.e aur apne begāne hue
phir na.e sar se ye jī meñ hai ki dil ko DhūñDiye
ḳhaak kūche kī tire muddat huī chhāne hue
thā jahāñ mai-ḳhāna barpā us jagah masjid banī
TuuT kar masjid ko phir dekhā to but-ḳhāne hue
hai ye duniyā jā-e-ibrat ḳhaak se insān kī
ban ga.e kitne subū kitne hī paimāne hue
aql-o-hosh apne kā 'rañgīñ' ho gayā sab aur rañg
kishvar-e-dil meñ jab aa kar ishq ke thāne hue