sar sham.a saañ kaTā.iye par dam na māriye

manzil hazār saḳht ho himmat na hāriye

maqsūm kā jo hai so vo pahuñchegā aap se

phailā.iye na haath na dāman pasāriye

tālib ko apne rakhtī hai duniyā zalīl o ḳhvār

zar kī tama.a se chhānte haiñ ḳhaak niyār.iye

tanhā.ī hai ġharībī hai sahrā hai ḳhaar hai

kaun āshnā-e-hāl hai kis ko pukāriye

tum fātiha bhī paḌh chuke ham dafn bhī hue

bas ḳhaak meñ milā chuke chaliye sidhār.iye