dil kā mo.āmla vahī mahshar vahī rahā
ab ke baras bhī raat kā muntazir vahī rahā
naumīd ho ga.e to sabhī dost uTh ga.e
vo said-e-intiqām thā dar par vahī rahā
saarā hujūm pā-piyāda chūñ-kī darmiyāñ
sirf ek hī savār thā rahbar vahī rahā
sab log sach hai bā-hunar the phir bhī kāmyāb
ye kaisā ittifāq thā akasr vahī rahā
ye irtiqā kā faiz thā yā mahz hādisa
meñDak to fīl-pā hue azhdar vahī rahā
sab ko hurūf-e-iltijā ham nazr kar chuke
dushman to mom ho ga.e patthar vahī rahā