Riyaz Khairabadi

kal qayamat hai qayamat ke siwa kya hoga

Riyaz Khairabadi

Khairabad, Uttar pradesh, India

1853-1934

kal qayāmat hai qayāmat ke sivā kyā hogā

ai maiñ qurbān-e-vafā vāda-e-fardā hogā

hashr ke roz bhī kyā ḳhūn-e-tamannā hogā

sāmne ā.eñge aaj bhī pardā hogā

ham nahīñ jānte haiñ hashr meñ kyā kyā hogā

ye ḳhushī hai ki vafā va.ada-e-fardā hogā

batā de hameñ sadqe tire ai shān-e-karam

ham gunahgār haiñ kyā hashr hamārā hogā

laakh pardoñ meñ koī ai nigah-e-shauq rahe

dekh legā jo koī dekhne vaalā hogā

aisī le de huī aa kar ki ilāhī-tauba

ham samajhte the ki mahshar meñ tamāshā hogā

sa.ī har gaam meñ hai ye samajh kar ham ne

vahī hogā jo mashiyyat taqāzā hogā

ke aayā araq-e-sharm jabīñ par jo kabhī

chehre par bāda-kasho nuur barastā hogā

rahne degā na dam-e-zabh koī halq ko ḳhushk

mai-kade meñ hameñ itnā to sahārā hogā

mujhe kyā Dar hai ki hoñge mire sarkār shafī.a

mujhe kyā Dar hai ki baḳhshne vaalā hogā

sharm-e-isyāñ se nahīñ uThtī haiñ palkeñ apnī

ham gunahgār se kyā hashr meñ pardā hogā

ka.aba sunte haiñ ki ghar hai baḌe daatā 'riyāz'

zindagī hai to faqīroñ bhī pherā hogā

Top Urdushayar.com