ishq jab tak na ās-pās rahā
husn tanhā rahā udaas rahā
ik hasīñ vāhima hasīñ dhokā
muddatoñ markaz-e-qayās rahā
ishq ko ajnabī samajh ke milā
husn kitnā adā-shanās rahā
fasl-e-gul meñ hujūm-e-gul kī jagah
har taraf ik hujūm-e-yās rahā
kis kā dāman rahā hai be-paivand
kaun āsūda-e-libās rahā
vo jise terā mustaqil ġham hai
terī mahfil meñ bhī udaas rahā
haa.e vo ḳhanda-e-ḳhafī ki 'zahīr'
dil pashemān-e-iltimās rahā