agar kināre pe Therne kī jagah nahīñ hai
to us safīne se achchhī koī jagah nahīñ hai
jo ho sake to abhī se sāmān bāñdh liije
vo ḳhud na kah de yahāñ par itnī jagah nahīñ hai
tire barābar meñ rahne vaale to kahte hoñge
ki is zamīñ par kahīñ bhī aisī jagah nahīñ hai
to kyuuñ na ḳhāmosh rah ke hamdardiyāñ sameTeñ
use pata hai ki ye hamārī jagah nahīñ hai
ye kaise dil meñ baserā karne ko aa ga.e ham
ki jis ke atrāf meñ bhī ḳhālī jagah nahīñ hai