payām le ke jo paiġhām-bar ravāna huā
hasad ko hiila milā ashk ko bahāna huā
vo merī aah jo sharminda-e-asar na huī
vo merā dard jo minnat-kash-e-davā na huā
ḳhayāl meñ na rahīñ sūrateñ azīzoñ kī
vatan se chhūTe hue is qadar zamāna huā
vo daaġh jis ko jagah dil meñ dī thī jīte-jī
charāġh bhī to hamāre mazār kā na huā
parī-vashoñ ko sunāte haiñ qissa-ḳhvāñ 'beḳhud'
hamārā haal na Thahrā koī fasāna huā