yuuñ lage dard kī is dil se shanāsā.ī hai
mausam-e-ġham kī tabhī to ye lahar aa.ī hai
toḌ kar rishta yuuñ ilzām lagāne vaale
bevafā maiñ huuñ agar tū bhī to harjā.ī hai
chāñd niklā nahīñ tū bhī nahīñ dikhtā ab to
raat hai maiñ huuñ añdherā hai ye tanhā.ī hai
raaz tere jo chhupā.ūñ to ye dam ghuTtā hai
baat kah duuñ jo zamāne se to rusvā.ī hai
jaan le kar vo gayā phir bhī 'sachin' zinda huuñ
baat ma.amūlī nahīñ us kī masīhā.ī hai