yūñhī chupke chupke ronā yūñhī dil hī dil meñ bāteñ
baḌī kashmakash ke din haiñ baḌī uljhanoñ kī rāteñ
hai nafas nafas farozāñ hai mizha mizha charāġhāñ
baḌī dhuum se uThī haiñ ġham-o-dard kī barāteñ
mire zehn kī ḳhalā meñ mire dil kī vus.atoñ meñ
kahīñ rañg-o-bū ke ḳheme kahīñ nuur kī qanāteñ
unheñ ai ġham-e-zamāna kabhī rā.egāñ na karnā
haiñ bahut latīf-o-nāzuk ġham-e-dil kī vārdāteñ
ye 'jamāl' mai-kada hai nahīñ yaañ koī takalluf
o arab ajam ke jhagḌe na hasab nasab na zāteñ