ham zamīn-zādoñ ko āsmāñ banā jaanā
pahle ḳhaak kar denā aur phir uḌā jaanā
jism se judā rahnā ruuh meñ samā jaanā
koī aap se sīkhe jaan par banā jaanā
be-shu.ūr sāthī ne sāhiloñ ke baasī ne
ham ko sar-phirā samjhā dasht kī havā jaanā
aur gar qarīb aate naqsh aur dhundlāte
qurbatoñ kī duurī ko tum ne fāsla jaanā
be-zamīr shahroñ ke be-zamīr logoñ se
jo bhī mil gayā ham ko vo tirī atā jaanā