lahū meñ nāchtī hameshgī udaas ho ke rah ga.ī
nihāl karne vaalī narm jhiil pyaas ho ke rah ga.ī
vo lazzatoñ bharī mohabbatoñ bharī milan kī ek shab
kabhī na puurī hone vaalī koī aas ho ke rah ga.ī
samajh rahā thā maiñ jise suhāg raat kī vishāl rut
mire qarīb aate aate vo qayās ho ke rah ga.ī
hare libās meñ lagī bhalī vo ek dūdhiyā kalī
na jaane kis taraf chalī ki ḳhushk ghaas ho ke rah ga.ī
uchhālnā jo chāhtā thā maiñ avaam ke liye 'zafar'
mire ḳhayāl kī vo lahr harf-e-ḳhās ho ke rah ga.ī