pyaar kā ik pal sukūn-e-zindagī de jā.egā
ḳhatm jo hone na paa.e vo ḳhushī de jā.egā
vo ḳhulūs-o-mehr kā paikar banām-e-dostāñ
dushmanoñ ko bhī shu.ūr-e-dostī de jā.egā
husn-e-fitrat jalva-gar ho kar yaqīnan ik din
rañg kaliyoñ ko guloñ ko dilkashī de jā.egā
aa.egā vo din hamārī zindagī meñ bhī zarūr
jo añdheroñ ko miTā kar raushnī de jā.egā
vo bhī lamha aa.egā 'tābāñ' rah-e-hastī meñ jo
tere pazhmurda laboñ ko ko de jā.egā