Taseer Jafry

wo diye pe tha na hawa pe tha

Taseer Jafry

Khanewal, Punjab, Pakistan

1976

vo diye pe thā na havā pe thā

jo yaqīn apne ḳhudā pe thā

koī jism tīroñ ke rehl par

koī dhyān kun sadā pe thā

koī jism kahtā thā saañs se

mujhe dukh tire inḳhilā pe thā

merā sher tere laboñ pe thā

ki charāġh dosh-e-havā pe thā

koī ḳhvāb thā koī shaḳhs thā

koī phuul dast-e-hinā pe thā

jise chhoḌ aa.e ho dasht meñ

use maan terī vafā pe thā

maiñ amal se ḳhālī thā is liye

merā zor saarā duā pe thā

Top Urdushayar.com