milā bhī kyā use tauhīn-e-rañg-o-bū kar ke
gayā chaman se chaman ko jo be-numū kar ke
the ḳhush-gumāñ ki kisī ḳhush-suḳhan se vāsta hai
bahut malāl huā us se guftugū kar ke
thī saare shahr ko bīmārī-e-girāñ-goshī
so chup vatīra kiyā ham ne hāv-hū kar ke
hamārī sub.hoñ ke bai-nāme likhne vāloñ ne
hameñ siyāh kiyā ḳhud ko surḳh-rū kar ke
sagān-e-kūcha-o-bāzār se raho hushiyār
rihā.ī dete haiñ 'mohsin' lahū lahū kar ke