qarār dil ko milā tere muskurāne se
banī thī jaañ pe mirī tere ruuTh jaane se
tasallī jhūTī na de dil meñ kyā hai ye kah de
ye ḳhvāb lamhe churā vaqt ke ḳhazāne se
sunahrī ghaḌiyāñ bhī āḳhir to biit jaatī haiñ
ye qaid hoñgī faqat lab pe baat aane se
ye rañgīñ sub.h chaman-dar-chaman haiñ khilte phuul
tū aa gayā to hue din bhī ye suhāne se
koī to 'fātima' sun le jo āp-bītī hai
sabaq milegā unheñ mere is fasāne se