rahrav-e-rāh-e-ḳharābāt-e-chaman
aa ki phir ik baar ho jā kohkan
tesha-e-azm-e-javāñ dāman meñ rakh
tū savār-e-shauq-e-sultānī meñ fan
koī saaya zindagī kā gar mile
chāk-e-gul ho kar pahan lenā kafan
dīdanī hai us ke hāthoñ meñ inaañ
shahr meñ bāñTe hai jo maġhrib kā dhan
aa uThā phir sāġhar-o-mīnā chaleñ
phir se ho jaa.e vo pahle sā suḳhan
jis meñ thī tah-dārī-e-mansūriyat
vo anal-haq kā kahāñ hai bāñkpan