Zulfiqar Naqvi

meri KHak mein wila ka na koi sharar hota

Zulfiqar Naqvi

Gursai, Jammu and Kashmir, India

1965

mirī ḳhaak meñ vilā na koī sharār hotā

na dil se aag uThtī na ye be-qarār hotā

mire sar pe haath rakhnā jo tirā shi.ār hotā

maiñ na dar-ba-dar bhaTaktā kahīñ ār-pār hotā

maiñ rahīn-e-qalb-e-muztar charāġh-e-shādmānī

tirī mahfil-e-tarab meñ kahāñ dil-figār hotā

tirī be-ḳhudī ne ai dil kisī kaam na chhoḌā

tirī baat Taal detā to na ḳhud pe baar hotā

tire husn kahānī mirī chashm-e-tar se niklī

maiñ na ashk-bār hotā to na āshkār hotā

agar is pe baiTh jaatā koī murġh-e-nā-umīdī

mirā naḳhl-e-ārzū phir kahāñ sāya-dār hotā

Top Urdushayar.com