dil māñge hai mausam phir ummīdoñ kā
chaar taraf sañgīt rachā ho jharnoñ kā
ham ne bhī taklīf uThā.ī hai āḳhir
aap burā kyuuñ māneñ sachchī bātoñ kā
jaane ab kyuuñ dil kā panchhī hai gum-sum
jab peḌoñ par shor machā hai chiḌiyoñ kā
raat ga.e tak raah vo merī dekhegā
mujh par hai ik ḳhauf sā taarī rāhoñ kā
mere māthe par kuchh lamhe utre the
ab bhī yaad hai zā.iqa us ke hoñToñ kā
puure chāñd kī raat magar ḳhāmoshī hai
mausam to hai bhīgī bhīgī bātoñ kā