rāsta koī safar koī masāfat koī
phir ḳharābī kī atā ho mujhe sūrat koī
saare dariyā haiñ yahāñ mauj meñ apnī apnī
mire sahrā ko nahīñ in se shikāyat koī
jam ga.ī dhuul mulāqāt ke ā.īnoñ par
mujh ko us kī na use merī zarūrat koī
maiñ ne duniyā ko sadā dil ke barābar samjhā
kaam aa.ī na buzurgoñ kī nasīhat koī
surma.ī shaam ke hamrāh parindoñ kī qatār
dekhne vāloñ kī āñkhoñ ko bashārat koī
bujhtī āñkhoñ ko kisī nuur ke dariyā kī talāsh
TūTtī saañs ko zanjīr zarūrat koī
tū ne har naḳhl meñ kuchh zauq-e-numū rakkhā hai
ai ḳhudā mere panapne kī alāmat koī