Nushur Wahidi

duniya sanwar gai hai nizam-e-digar ke baad

Nushur Wahidi

Ballia, Uttar pradesh, India

1912-1983

duniyā sañvar ga.ī hai nizām-e-digar ke ba.ad

manzil pe aa ga.ī hai mashiyyat safar ke ba.ad

jaise dil-o-nazar ke hijābāt uTh ga.e

aalam ḳhabar hai nigah-e-be-ḳhabar ke ba.ad

laale meñ rañg hai ye kahāñ ye lahū tarañg

duniyā hasīn hai mire zauq-e-nazar ke ba.ad

biitī huī hayāt mohabbat tazkira

shām-o-sahar yaad hai shām-o-sahar ke ba.ad

maiñ aa gayā sukūt-o-tabassum ke darmiyāñ

vo muskurā diye suḳhan-e-muḳhtasar ke ba.ad

har rāste ko luuT liyā e'timād ne

rahzan bhī ek shai hai magar rāhbar ke ba.ad

tārīkī-e-hayāt meñ raḳhshāñ hai husn-e-dost

jalve kahāñ raheñge hujūm-e-nazar ke ba.ad

hāsil hai kā.enāt dard-e-dil-e-hayāt

duniyā meñ kyā rahā mirī āh-e-sahar ke ba.ad

manzil pe chhiḌ ga.ī hai kudūrat dāstāñ

har kārvāñ ne gard uḌaa.ī safar ke ba.ad

naqsh-e-qadam aañkh khulī terī raah meñ

raste bhī so ga.e haiñ tirī rahguzar ke ba.ad

ahl-e-hunar ko dekh rahā huuñ ġhamīñ 'nushūr'

duniyā hunar hai raas bhī aa.e hunar ke ba.ad

Top Urdushayar.com