harīf koī nahīñ dūsrā baḌā merā
sadā mujhī se rahā hai muqābla merā
mire badan pe zamānoñ kī zañg hai lekin
maiñ kaise dekhūñ shikasta hai aa.ina merā
mire ḳhilāf zamāna bhī hai zamīn bhī hai
munāfiqat ke mahāzoñ pe morcha merā
maiñ kashtiyoñ ko jalāne se ḳhauf khātā nahīñ
zamāna dekh chukā hai ye hausla merā
mire savāl se har shaḳhs ko malāl huā
pe hal kiyā na kisī ne bhī mas.ala merā