patthar paanī ho jaate haiñ
log kahānī ho jaate haiñ
na.e na.e chehre vaale bhī
baat purānī ho jaate haiñ
ishq kī rut meñ saare bhikārī
rājā-rānī ho jaate haiñ
shaam samay lau ke jhoñke bhī
pavan suhānī ho jaate haiñ
sukh kā mausam jab aatā hai
jism bhī paanī ho jaate haiñ
sūkhe patte ga.ī rutoñ ke
na.ī nishānī ho jaate haiñ
ham to us kī bāteñ sun kar
paanī paanī ho jaate haiñ