sadā-e-āfrīñ uTThī thī jast aisī thī
ḳhabar na thī ki muqaddar shikast aisī thī
nazar haTā na sakā raa.e kis tarah letā
vo sab ko dekh rahā thā nashist aisī thī
use ḳhayāl ye guzrā ki gir ga.ī dīvār
dil-e-hazīñ kī sadā-e-shikast aisī thī
maiñ ta.a.īnāt ke uljhāv toḌ hī baiThā
sadā-e-dost sadā-e-alast aisī thī
maiñ apne aap ko bhī khul ke pesh kar na sakā
'vaqār' zehniyat-e-vaqt past aisī thī