mirī ḳhastagī ko jamāl de
mirī bandagī ko kamāl de
mire dil ko nuur meñ Dhaal kar
mire fikr-o-fan ko ujaal de
tū uruuj de mire sabr ko
mirī ḳhvāhishoñ ko zavāl de
jo nikhār de mirī ruuh ko
mire dil ko aisā malāl de
koī chāñd baḳhsh ke raat ko
mirī har syāhī ko Taal de
mirī chashm-e-girya ko husn baḳhsh
dil reza reza sambhāl de
mujhe dā.imī ho 'shafaq' atā
ye maraz badan se nikāl de