bhalā-burā vo ḳhudā karegā
ġharīb to bas duā karegā
terī judā.ī ko yaad kar ke
ka.ī dafa dil bujhā karegā
milāyā hai jab ḳhudā ne ham ko
to kaun ham ko judā karegā
jiyeñge tere baġhair bhī ham
magar bahut dil dukhā karegā
kabhī miloge ye soch kar dil
hazār sapne bunā karegā
ye sāñseñ tere baġhair chup haiñ
tire binā dam ghuTā karegā
'ahad' vo ḳhud ko fareb degā
jo vaqt ko an-sunā karegā