saath kis ko chāhiye ab dhuup kā
ThanD meñ leñge maza sab dhuup kā
baT ga.e haiñ maz.haboñ meñ sab yahāñ
koī batlā.e to maz.hab dhuup kā
mushkiloñ meñ saath koī bhī nahīñ
aaj samjhe ham to matlab dhuup kā
garm mausam se pareshāñ sab hue
jism ThanDā kar de ai rab dhuup kā
paḌh ke aa.eñ phir nayā koī sabaq
khul gayā hai dekho matlab dhuup kā
chhāñv tab hāsil huī mujh ko 'ahad'
tai kiyā har din safar jab dhuup kā