kuchh bhī to apne paas nahīñ juz-matā-e-dil
kyā is se baḌh ke aur bhī koī hai imtihāñ
likhne ko likh rahe haiñ ġhazab kī kahāniyāñ
likkhī na jā sakī magar apnī hī dāstāñ
dil se dimāġh o halqa-e-irfāñ se daar tak
ham ḳhud ko DhūñDte hue pahuñche kahāñ kahāñ
us bevafā pe bas nahīñ chaltā to kyā huā
uḌtī raheñgī apne garebāñ kī dhajjiyāñ
ham ḳhud hī karte rahte haiñ fitnoñ kī parvarish
aatī nahīñ hai koī balā ham pe nā-gahāñ