ka.aba-e-dil ko agar Dhā.iyegā
yaad rakhiye ki sazā pā.iyegā
yaad meñ merī jo ghabrā.iyegā
merī turbat pe chale ā.iyegā
thoḌī taklīf sahī aane meñ
do ghaḌī baiTh ke uTh jā.iyegā
yaad dilvā ke vo aglī bāteñ
bharī mahfil meñ na rulvā.iyegā
hāl-e-dil kahiye to farmāte haiñ
bakte bakte mirā sar khā.iyegā
yak zarā aap ko ham dekh to leñ
baiThiye baiThiye phir jā.iyegā
ye 'haqīr' aap se Darne kā nahīñ
āñkheñ bas ġhair ko dikhlā.iyegā