misāl-e-shabnam gul aazmā rahī hai mujhe
tire ḳhayāl kī ḳhushbū bulā rahī hai mujhe
nigah meñ samt girah meñ bhī zar rahā lekin
mirī malāl-nigāhī miTā rahī hai mujhe
tujhe bhulā.ūñ ki maiñ ḳhud ko bhuul jā.ūñ yahāñ
ḳhayāl-o-ḳhvāb kī duniyā satā rahī hai mujhe
maiñ bhuuk pyaas se behāl ho ke sochtā huuñ
ḳhushī kā muzhda qazā kyoñ sunā rahī hai mujhe
tamām ramish-o-rañg us ke saath haiñ 'manzar'
to is jahān se raġhbat hī kyā rahī hai mujhe