'momin' ḳhudā ke vāste aisā makāñ na chhoḌ
dozaḳh meñ Daal ḳhuld ko kū-e-butāñ na chhoḌ
āshiq to jānte haiñ vo ai dil yahī sahī
har-chand be-asar hai par aah o fuġhāñ na chhoḌ
us tab-e-nāznīñ ko kahāñ tāb-e-infi.āl
jāsūs mere vāste ai bad-gumāñ na chhoḌ
nā-chār deñge aur kisī ḳhūb-rū ko dil
achchhā tū apnī ḳhū-e-bad ai bad-zabāñ na chhoḌ
zaḳhmī kiyā udū ko to marnā muhāl hai
qurbān jā.ūñ tere mujhe nīm-jāñ na chhoḌ
kuchh kuchh durust zid se tirī ho chale haiñ vo
yak-chand aur kaj-ravī ai āsmāñ na chhoḌ
jis kūche meñ guzār sabā kā na ho sake
ai andalīb us ke liye gulsitāñ na chhoḌ
gar phir bhī ashk aa.eñ to jānūñ ki ishq hai
huqqe kā muñh se ġhair kī jānib dhuāñ na chhoḌ
hotā hai is jahīm meñ hāsil visāl-e-jaur
'momin' ajab bahisht hai dair-e-muġhāñ na chhoḌ