Momin Khan Momin

ye uzr-e-imtihan-e-jazb-e-dil kaisa nikal aaya

Momin Khan Momin

Delhi, India

1800-1852

ye uzr-e-imtihān-e-jazb-e-dil kaisā nikal aayā

maiñ ilzām us ko detā thā qusūr apnā nikal aayā

na shādī-marg huuñ kyūñkar hai muzhda qatl-e-dushman

ki ghar meñ se liye shamshīr vo rotā nikal aayā

sitam ai garmi-e-zabt-e-fuġhān-o-āh chhātī par

kabhū bas paḌ gayā chhālā kabhū phoḌā nikal aayā

kiyā zanjīr mujh ko chāra-gar ne kin dinoñ meñ jab

adū qaid se vo shoḳh-e-be-parvā nikal aayā

nikal aayā agar aañsū to zālim mat nikāl āñkheñ

sunā ma.azūr hai muztar nikal aayā nikal aayā

hamāre ḳhūñ-bahā ġhair se da.avā hai qātil ko

ye bād-e-infisāl ab aur jhagḌā nikal aayā

huī bulbul sanā-ḳhvān-e-dahān-e-tañg kis gul

ki farvardī meñ ġhunche muñh itnā nikal aayā

koī tiir us dil meñ rah gayā thā kyā ki āñkhoñ se

abhī rone meñ ik paikān TukḌā nikal aayā

dam-e-bismil ye kis ke ḳhauf se ham ga.e aañsū

ki har zaḳhm-e-badan se ḳhuun dariyā nikal aayā

ḳhadañg-e-yār ke hamrāh niklī jaan siine se

yahī armān ik muddat se meñ thā nikal aayā

bahut nāzāñ hai ai qais par vahshat dikhā.ūñgā

kitāboñ meñ kabhū qissa jo 'momin' nikal aayā

Top Urdushayar.com