ġhazal ho ga.ī jab bhī sochā tumheñ
fasāne bane jab bhī likkhā tumheñ
kabhī dhuup ho tum kabhī chāñdnī
samajh kar bhī koī na samjhā tumheñ
ġharaz koī sūraj se ham ko nahīñ
sahar ho ga.ī jab bhī dekhā tumheñ
mujhe apne dil par baḌā naaz hai
baḌe naaz se jis ne rakkhā tumheñ
kabhī merī āñkhoñ meñ jhāñko zarā
yahāñ koī tum sā milegā tumheñ
ye thī 'ashk' sāhab kī dīvāngī
the tum rū-ba-rū phir bhī DhūñDā tumheñ