ḳhudā ne chāhā to sab intizām kar deñge
ġhazal pe aa.e to matlā meñ kaam kar deñge
paḌe raheñ to qalandar uTheñ to fitna haiñ
hameñ jagāyā to nīndeñ harām kar deñge
tumhāre jaise jiye aur kuchh nahīñ kar paa.e
hamāre jaise mare bhī to naam kar deñge
ham aaj bhī haiñ zamīñ par magar yahī Dar hai
ye tabsire hameñ ālī-maqām kar deñge
tum ek umr se tamhīd likh rahe ho 'shujā'
ham ek lafz meñ qissa tamām kar deñge