sā.ebāñ kyā abr kā TukḌā hai kyā
dhuup to ma.alūm hai saayā hai kyā
apne dāman meñ chhupā le mauj-e-ġham
qatra qatra zindagī jiinā hai kyā
ḳhvāb aañsū ehtajājī zindagī
pūchhiye mat shahr-e-kalkatta hai kyā
tund jhoñke sab uḌā le jā.eñge
shāḳh se TuuTā huā pattā hai kyā
har qadam ik sāneha hai dosto
aise mausam meñ koī jiitā hai kyā
merī mahrūmī mirā ġhussa na pūchh
barf kī hiddat hai kyā sho.ala hai kyā
kyuuñ dhaḌaktā hai ye dil ambar-'shamīm'
us kī yādoñ se mirā rishta hai kyā