bahut daave kiye haiñ āgahī ne
nahīñ samjhā mohabbat ko kisī ne
jabīñ par ḳhaak ke zarre nahīñ haiñ
sitāre chun diye haiñ bandagī ne
shikāyat hai unheñ bhī zindagī se
jinheñ sab kuchh diyā hai zindagī ne
sabā se pūchhiye kyā gul khilā.e
chaman meñ un kī āhista-ravī ne
ḳhudā ġhārat kare dast-e-sitam ko
abhī to aañkh kholī thī kalī ne
mah o anjum ko zau baḳhshī hai 'mumtāz'
hamāre āñsuoñ kī raushnī ne