paar utarne ke liye to ḳhair bilkul chāhiye
biich dariyā Dūbnā bhī ho to ik pul chāhiye
fikr to apnī bahut hai bas taġhazzul chāhiye
nāla-e-bulbul ko goyā ḳhanda-e-gul chāhiye
shaḳhsiyat meñ apnī vo pahlī sī gahrā.ī nahīñ
phir tirī jānib se thoḌā sā taġhāful chāhiye
jin ko qudarat hai taḳhayyul par unheñ dikhtā nahīñ
jin kī āñhkeñ Thiik haiñ un ko taḳhayyul chāhiye
roz hamdardī jatāne ke liye aate haiñ log
maut ke ba.ad ab hameñ jiinā na bilkul chāhiye