kisī taraf jaane kā rasta kahīñ nahīñ
aisā ghor añdherā dekhā kahīñ nahīñ
kis zālim ne par peḌoñ ke kaaT diye
aag ugaltī dhuup meñ saaya kahīñ nahīñ
tishna ruuh kī pyaas bujhāne pahuñche the
dariyā meñ bhī paanī paayā kahīñ nahīñ
kāñch kī sūrat saare sapne TuuT ga.e
chham se barasne bādal aayā kahīñ nahīñ
mahfil mahfil 'az.har' umr guzārī hai
ham sā lekin tanhā tanhā kahīñ nahīñ