hālāt na badleñ to isī baat pe ronā
badleñ to badalte hue hālāt pe ronā
paḌ jā.egā tum ko bhī ġham-e-zāt pe ronā
jis baat pe hañste ho usī baat pe ronā
iz.hār meñ quvvat hai to mil jā.egā mauzūa
sūkhā nahīñ paḌtā hai to barsāt pe ronā
is shahr meñ sab Thiik hai kyā soch rahe ho
ronā hai to apne hī ḳhayālāt pe ronā
maiñ aap kī is sard-mizājī pe hañsūñgā
aur aap mirī shiddat-e-jazbāt pe ronā