phuul khilte haiñ tālāb meñ taarā hotā
koī manzar to mirī aañkh meñ pyārā hotā
ham palaT aa.e masāfat ko mukammal kar ke
aur bhī chalte agar saath tumhārā hotā
ham mohabbat ko samundar kī tarah jānte haiñ
kuud hī jaate agar koī kināra hotā
ek nākām mohabbat hī hameñ kaafī hai
ham dobāra bhī agar karte ḳhasāra hotā
kitnī lahreñ hameñ siine se lagāne ātīñ
koī kañkar hī agar jhiil meñ maarā hotā