mai se raushan rahe ayāġh apnā
gul na ho sāqiyā charāġh apnā
hijr meñ tar ho kyā dimāġh apnā
ḳhushk lab aap hai ayāġh apnā
nik.hat-e-zulf jab se aa.ī hai
nahīñ miltā hameñ dimāġh apnā
kis kī ham justujū meñ nikle the
nahīñ paate kahīñ surāġh apnā
kyā hai mazkūr-e-marham-e-kāfūr
jab namak saudā ho na daaġh apnā
hai shab-e-hijr vādī-e-vahshat
dīda-e-ġhūl hai charāġh apnā
rāt-din gul-ruḳhoñ se sohbat thī
yaad aatā hai ḳhāna-bāġh apnā
so rahā jo lipaT ke vo gul-e-tar
dil huā aaj bāġh-bāġh apnā
barg-e-gul saaf ban gayā phāhā
kyā mo.attar huā dimāġh apnā