Imam Bakhsh Nasikh

choT dil ko jo lage aah-e-rasa paida ho

Imam Bakhsh Nasikh

Faizabad, Uttar pradesh, India

1772-1838

choT dil ko jo lage āh-e-rasā paidā ho

sadma shīshe ko jo pahuñche to sadā paidā ho

kushta-e-teġh-e-judā.ī huuñ yaqīñ hai mujh ko

uzv se uzv qayāmat meñ judā paidā ho

ham haiñ bīmār-e-mohabbat ye duā māñgte haiñ

misl-e-iksīr na duniyā meñ davā paidā ho

kah rahā hai jaras-e-qalb ba-āvāz-e-buland

gum ho rahbar to abhī rāh-e-ḳhudā paidā ho

kis ko pahuñchā nahīñ ai jaan tirā faiz-e-qadam

sañg par kyuuñ na nishān-e-kaf-e-pā paidā ho

mil gayā ḳhaak meñ pis pis ke hasīnoñ par maiñ

qabr par bo.eñ koī chiiz hinā paidā ho

ashk tham jaa.eñ jo furqat meñ to aaheñ nikleñ

ḳhushk ho jaa.e jo paanī to havā paidā ho

yaañ kuchh asbāb ke ham bande muhtāj nahīñ

na zabāñ ho to kahāñ nām-e-ḳhudā paidā ho

gul tujhe dekh ke gulshan meñ kaheñ umr darāz

shāḳh ke badle vahīñ dast-e-duā paidā ho

bosa māñgā jo dahan to vo kyā kahne lage

bhī mānind-e-dahan ab kahīñ paidā ho

na sar-e-zulf milā balbe darāzī terī

rishta-tūl-e-amal bhī sirā paidā ho

kis tarah sach hai na ḳhurshed ko raj.at ho jaa.e

tujh āfāq meñ jab māh-laqā paidā ho

abhī ḳhurshed jo chhup jaa.e to zarrāt kahāñ

pinhāñ ho to phir kaun bhalā paidā ho

kyā mubārak hai mirā dast-e-junūñ ai 'nāsiḳh'

baiza-e-būm bhī TuuTe to humā paidā ho

Top Urdushayar.com