idhar mai-kada hai udhar but-kada hai
idhar merā saaqī udhar dilrubā hai
idhar hai mirī tishnagī kā mudāvā
udhar mere dard-e-jigar kī davā hai
idhar josh-e-sahbā udhar josh-e-ulfat
idhar ibtidā hai udhar intihā hai
idhar duḳhtar-e-raz kī hai kāfir javānī
udhar husn-e-mahbūb-e-sidq-o-safā hai
idhar mai pilā kar girāne kā sheva
udhar thaam lene ko dast-e-vafā hai
idhar jā.ūñ yā maiñ udhar jā.ūñ 'pankaj'
idhar bhī ḳhudā hai udhar bhī ḳhudā hai